وفاة شخصية مهمة...

السلام عليكم ورحمة الله وبركاته..
حبيت انقلكم رسالة وصلتني عالايميل.. وعجبتني وايد وعشان عجبتني بحطها لكم عشان تستفيدون مثل ما استفدت..


في يوم - من ذو الحجة 1429 - توفي فلان ابن فلان تغمده الله بواسع رحمته أثر سكته مفاجأه - انا لله وانا اليه راجعون..
كان رحمه الله عضو في منتدى وكانت له مواضيع كثيره ، وردود اكثر وله اصدقاء وله حبيبة ، وله والدين على قيد الحياة، رحمة الله عليه..
تخيل ان هذا الشخص هو انت..
وتوفاك الله في هذه الايام قبل انتهاء السنه ، طبعا يوم توفيت ودوك للمستشفى، وخلوك في الثلاجة عشان يخلصون اجراءات شهادة الوفاة، ..
وتركت في غرفتك جهازك النقال والكمبيوتر، واصحابك واهلك وامك وابوك والدنيا كلها تبجي على فرقاك، ويجي اخوك يقول لامك: (يمه اخوي مات) ، وامك تصرخ وتبجي ماتبيك تروح عنها كلش وتخليها، ويتبادلون رسايل المسجات بالتلفون النقال فلان ابن فلان توفى ، وبيصلون عليه في المسجد الفلاني بكره الظهر.
و يه باجر واخوانك واهلك مانامو يبجون عليك وعلى فرقاك، وصارت الساعه 10 الصبح و ودوك للمغسلة والكل جاك وسلم عليك و باس راسك وانت مكفن ومغطى ، بالابيض وريحة السدر تفوح بكل مكان.
شالوك وودوك للمسجد وحطوك جدام الامام وابوك واخوانك واصحابك تجمعو كلهم في بيت الله، في البيت اللي يناديك خمس مرات في اليوم وانت ولا جنك موجود...
صاااح المؤذن وقال : الصلااااااة على الميت يرحمكم الله.
وكبر الامام: الله اكبر.
والكل قرا عليك الفاتحة.
الله اكبر.
والكل دعا لك وتوسل لك عند اللي انت مقصر معاه وبحقه ، وكبر وكبر وكبر الامام وسلم.
والتفتو لبعضهم وتوافدو لابوك واخوانك ( احسن الله عزاكم - الله يغفر له ويرحمه).
وبعدين شالوك على كتوفهم و ودوك المقبره وكان في ناس هناك مجهزين قبرك والتراب، وبعدين يابوك وحطوك في الحفرة ورصوك بكومة من الصخور والتراب وكبو التراب ودعولك ومشو...
وعزاك 3 ايام ، وانت ماعندك ولاااااااااااشي تجابل فيه ربك ، جيت ضيف عند اللي يناديك خمس مرات في اليوم بس خمس دقايق ياعبدي تعال ابيك ، ياعبدي حي على الصلاة، ياعبدي الصلاة خير من النوم..
جيت ضيف عند اللي رزقك وعزك عن الحاجة والسؤال ، عند اللي خلاك في امان واغناك ، عند اللي غلطت على عباده واذيتهم.
ياترى تتوقع ان في احد انت ظلمته يوم سمع بخبر وفاتك قال: ( الله لايحلله ولايبيحه ، مات اللي اذاني..) ؟؟؟؟؟
ياترى تتوقع احد بيجيب خبرك مع اللي تسولف معهم في النت ؟؟ والله محد داري عنك...
ياترى حبيبتك اللي انت مستانس فيها ولاحتى تلعب عليها شبتسوي؟؟ اتحداك تبجي عند اهلها وشنو راح تقولهم؟؟ حبيبي مات؟؟
بتسكت وبيعزونها صديقاتها وبتمر الايام وتتزوج وتسحب على الذكريات...
غرفتك بتقول يارب انا غرفة فلان كان يسوي فيها جذي ويسوي جذي
سيارتك ونقالك وكمبيوترك بينطقون
وانت؟؟؟؟؟؟؟؟؟؟؟
ماعندك شي تحاجي فيه ربك ولاحتى كلمه قلتها من قلبك تحاجي فيها ربك..
مت .. وناس زعلانه عليك ، مت.. وانت لاهي مع اللي والله والله يقعدون معاك بالساعات واذا انت قمت او قامو عنك والله مايدرون عنك.. ونسووووك..
مت.. واللي عزك وعلاك وكبرك الحنان المنان الرحمن.. مااااااااا قعدت معاه قعده تقول فيها الله اكبر وتبدي بالكلام معاه ، وتقول الحمدلله رب العالمين وتركع وتسجد له خمس دقايق بس.
انا ماقلت هالكلام الا والله اخشى واخاف اني مال الحق على عام 1430 - ويقدر ربي ان 1429 - اخر سنه اتنفس فيها.
ارجوك حاسب نفسك ولا تعتذر للي انت ظلمته ولكن كف اذائك عنه ، وصلي فرضك، رحمة من ربي تغفر لك ذنوبك، ...
يلا عزم وتوكل على الله انك تخلي اخر هالسنه مسك والله ماتدري يمكن يكون كل اللي قريته فوق يصير صج ..
يله كبر واستغفر ربك واقرا قران بدال الاغاني...
خاااااااااااااااااااااااااااااااااااااااااااااااااااااااااااافوووووووووووو من نااااااااااااااااااااااااااااااااااااااااااااااااااااااار جهنم..
الله يقينا من نار جهنم وعذاب القبر يااااااااااااااااااااااااااارب اااااااااااااااااااااااااااااااااااااااااااامين..
قولو امين...
اللهم بلغت اللهم فاشهد....................

شلونكم - اشتقتلكم - سامحوني وايد عالتاخير :(

السلام وعليكم
شلووونكم وشخباااركم
اشتقتلكم وااايد واااااااااايد
سامحوني عالتاخير والقصور بس والله العظيم انشغلت واايد وغير هذا ان وصلة الانترنت انقطعت فترة ولابتوبي كان خربان، والحين الحمدلله رجعتلكم :) ، مشتاقتلكم واايد وااااااايد ، ومشتاقه حق قراية مواضيعكم واخباركم ، وعلى فكرة ترى انا كتبت قصة من تاليفي واهي طويلة شوي ، شنو تنصحوني انشرها بالمدونة والا لا؟؟ بصراحه اخاف انشرها وتنباق و وايد احبها هالقصة واحس ان روحي فيها وخايفه تنباق بس بعد ابيكم تقرونها ، بس مادري؟ خايفه :(
والسلام مسك الختام :)
احبكم :)

والله خربطه .. وين التنظيم؟؟؟

السلام عليكم..
شلونكم وشخباركم
اشتقتلكم وايد
سامحوني عالقصور والتأخير بس تدرون كل واحد لاهي بحياته ومشاغله وظروفه ، وترى الدنيا تلاهي.. :)
المهم حبيت اقولكم اليوم عن شي صارلي وبما إن محد غريب بينا حلو الواحد يعرف اخبار اخوانه واصدقائه :)

مع بداية رمضان وبداية الدوامات دقيت على معهدي التابع للتطبيقي وسألتهم عن موعد التسجيل حق التخصص وقالولي تاريخ 6\10 بعد العيد وقلت اوكي وبلغت زميلة لي بالمعهد واتفقنا بهالتاريخ نروح مع بعض ، ومرت الايام وخلص العيد ويه موعد 6\10 ، بهاليوم رحت انا قبل رفيجتي سبقتها على اساس نشوف بعض هناك ، ولما وصلت تتوقعون شنو قالولي؟؟
غيرنا الموعد صار تاريخ 26\10 :(
أيست وتحبطت حدي :( ، قمت ودقيت على رفيجتي وقتلها لا تيين أجلو الموعد وخلوه تاريخ 26\10 وقالتلي خلاص اوكي نتحمل راح الكثير ماباقي الا القليل ، ونطرنا لي هالتاريخ ، بس الواحد خايف على مستقبله وان ماكو سنة تضيع من حياته قامت رفيجتي دقت علي وتواعدنا على يوم نروح قبل يوم 26 وندش عالسكرتاريه ونسألهم ، المهم راحت رفيجتي قبلي ومارحت لان ماكان عندي احد يوديني ، المهم دقت علي وقالت لي لا اكيد تاريخ 26\10 ، المهم استانست قلت هالمره اكيد وراح اداوم شهر 11 واستانست ، عقبها بفتره اعتقد الاسبوع اللي طاف يوم السبت رحت المعهد الصبح ولقيته مبطل ودشيت ولقيت مشرفتنا قاعده وفي بنات مداومين ليش مادري؟ المهم قتلها كل شي صار معاي واشتكيت لها كل يوم يعطونا موعد وكل يوم يأجلون أو يغيرون.. تدرون شقالتلي؟؟
القهر إنك تتكلم وانت حارق اعصابك ومحترق وخايف لايطوف موعد التسجيل ويروح عليك كورس كامل، وتلقى هالمشرف المصري قاعد وساكت وبارد ومايعطيك لا حق ولا باطل ..
قالتلي الله يسلمكم:
ماشفتي ورقه معلقه عالباب؟؟ قتلها بلى مكتوب 6\10 - جان تقول لا هذا حق المستمرات - قتلها بس هذا التاريخ اللي محطوط وصج كانو معلقين ورقه كاتبين فيها بس دوام التمهيدي والتخصص متى وبأي تاريخ؟؟
المهم قالتلي موعد التسجيل ليلحين بعد طويل موعده على ما ايي ، قتلها انزين متى؟؟ جان تقول لي تاريخ 5\11 ، قتلها الله يعني 6 اشهر عطله ؟؟ وليش طولتوها والله حرام عليكم فيها كورسين وليش 5\11 - قالت ( هوه ده ، كده ) وأنا كان ودي أفلعها بالقلاص اللي يمها صج قهر..
صج مافي تنظيم ولا التزام بالمواعيد ولا شي ، لا واللي يبط الجبد زياده يضرطون على راسك :(
الله كريم يبه..
ومشكووورين وماقصرتو :)

ليه يادنيا ..

دنــيـــا عــلــى كــيــفــهــا تــمــشـــيــنــي..

ويـــن مــاتـبــي تــاخــذنـــي تــوديــنـــي..

مـــن كــــل شــي أبـــيــه تــمــنــعــنــــي..
وكــل شـــي أحــبــه تـــاخــــذه مـــنــــي..
إن جـيـتـهـا بــالــزيــنــه تــصــد عــنــي..
وإن جـيـتـهـا بــالـشـيـنــه تـقــرب مـنــي..
وإن قــــربـــت مــنــي جـــرحـــتـــنــــي..
وبـعــدهـــا الـــطــراقـــات عــطــتــنـــي..

دنــيـــا لــعــبــت فــيــنــي تــعــبــتــنـــي..

وين ما أروح ومن كل صوب تسـطرنـــي..

تصدقين يا دنيا كرهـت وجودج بحياتـــــي..

حتـى إنـي تمـنـيـت الـمـوت إنـه يـجـينــي..
حتى ياخذني من مشاكلج اللـي تلاحـقــنـي..

ومـن نـاسـج اللـي مـحـد فـيـهـم يهـتـم لـي..

عـرفـت إنـج يـادنـيا علـى كيفج تمشينــــي..
وإن مـو أنـا الـلـي أمـشـيـج عـلى كـيـفــي..

كفالة ايتام..

السلام عليكم..

قال الله عز وجل "ويسألونك عن اليتامى قل إصلاح لهم خير "

وقال تعالى "وآتى المال على حبه مسكيناً ويتيماً وأسيرا"

اليوم حبيت اعرض لكم موضوع مهم ..

موضوع يتكلم عن العمل الخيري وهو ( كفالة الايتام )
كفالة اليتيم لها اجر كبير عند الله ..
واتمنى من كل واحد قادر على هالشي يسويه لان صج في ناااس واايد محتاجه منا المساعده ..
في ناس واايد فقاره ويتامى لازم نساعدهم..

ولازم كل من يقرأ موضوعي هذا يعرف شغله وحده:

إن الله جعل كل إنسان بهالدنيا مستخلف في هذي الارض ، وسخر لنا كل شي ، واستخلفه الله سبحانه وتعالى في ماله ، والمال كله مال الله سبحانه وتعالى ، والانسان مستخلف فيه عشان يتصرف فيه باللي يرضي الله ورسوله، واللي يتصرف فيها عدل له الحسنات واللي يسيئها فله عذاب اليم في يوم عظيم ما ينفع فيه الندم ولا كلمة ياليت سويت ... ، فالله تعالى جعل الصدقات سبيل وطريقه من طرق تنمية المال وزيادته ، فقد قال الله تعالى : " إن من أعظم القربات وأفضل الصدقات الاحسان والانفاق على الايتام ." وجزاء هذي الاعمال الجنة.
ولكم الدليل من السنة، فقد قال رسول الله صلى الله عليه وسلم:

" أنا وكافل اليتيم في الجنة كهاتين وقرن بين السبابة والوسطى وفرج بينهما" رواه بخاري.
وقال تعالى: " وأما اليتيم فلا تقهر".
وترى اليتيم ينقهر لما يشوف الناس تلبس احسن لبس وتاكل وتشرب من احسن الانواع وأهو عليه اللقمة بالحسره وحتى شربة الماي عليه بالحسره،

قال رسول الله صلى الله عليه وسلم:
" اللهم إني أحرج حق الضعيفين اليتيم والمرأة". أخرجه ابن ماجه.
وللي يحسن أجر اليتيم جزاء من عند الله تعالى دليل قوله تعالى:
" ويطعمون الطعام على حبه مسكينا ويتيما واسيرا . إنما نطعمكم لوجه الله لا نريد منكم جزاءا ولا شكورا إننا نخاف من ربنا يوما عبوسا قمطريرا . فوقاهم الله شر ذلك اليوم ولقاهم نضرة وسرورا."

والحين يا إخوان.. ماتفكرون إنكم تكفلون يتيم؟؟
ماتبون رحمة من ربكم ولما تلقونه بيوم الحساب يلقاكم " نضرة وسرورا" ؟؟

والله العظيم إني أكلمكم من واقع تجربنتي اللي سويتها قبل يومين من تاريخ اليوم كان يوم الخميس بليل، كنت اتصفح صفحات الانترنت وكان في بالي من زمان إني أكفل يتيم ، ودخلت على موقع نبيل العوضي وتحت في مربع صغير تابع لموقع ( خير أون لاين ) ودخلت عليه وشفت مكان لكفالة الايتام ودخلت والحمدلله كفلت لي بنت يتيمة عمرها 5 سنين أردنية واسمها لانا وسميتها بنتي لانا وهذي صورتها ، وحسيت براحه وبوناسه ما يعلم فيها الا الله سبحانه.

يا حلاة الاحساس لما تحس انك عايش ومسوي كل الفرائض وما عليك شي..
جربو هالاحساس يا إخوان وصدقوني ما راح تندمون..
شنو بتخسرون لو كل شهر قطيتو 10 دنانير حق هاليتيم اللي بتكفلونه..
صج انها 10 بالشهر بس شوفو أجرها يوم القيامه عند الله.. شوفو جم الحسنات اللي بتاخذونها مقابل هالعشره ومقابل كل لقمة ياكلها وشربه يشربها هاليتيم المسكين..

الله.. الله يرحمنا برحمته ويغفر لنا ويتقبل منا ومنكم صالح الاعمال ..

.. عيش يومك ..

لا تـحـزن وتـبكـي علـى مــا فـــات..

انسـى اللـي صـار وعـيـش يـومــك..
ولا تـفـكــر وتــصــرخ بـالاهـــات..

لا تـتـوقـع احــد بـيـسمــع صـوتـــك..
يـاصـاح.. تـرى بـهـالدنيا تلاهيــات..

مـحد من وقته بيعطيك ويفضـى لــك..

ولا راح يقول لك هات ماعندك هـات..

الا اذا كـان لــه مصلحـه مــن وراك..

اسمع منـي نصيحتي بــدون قريشـات..

باجـر تـتحسـف تـدور مــن ينصحـك..

جابل ربك .. تسعد بحياتك..

جابل ربك ... تسعد بحياتك..

هناك الكثير من الامور والمواقف التي تحصل لنا بحياتنا لم نكن نتوقعها تجعلنا نيأس من هذه الحياة، مثل:

حدوث أشياء نصدم منها ، لا يحصل الشيء الذي نريده والعكس صحيح فيحصل مالا نريد ، كل مانتمناه لا نجلبه ولا نحصل عليه، عند الدعاء لايستجاب لدعائنا، وغيرها من الامور، ولكن هل فكرتم في يوم من الايام لماذا يحصل معنا هذا الشيء؟ لماذا لا نحصل على مانريد؟ لماذا يلحقنا الضرر في كل وقت وفي كل مكان؟؟

والجواب واحد،

فإذا واصلت ربك وأرضيته وأرضيت والديك يرضى الله عنك ويعطيك كل ماتريد ان تحصل عليه ، ولكن بنية صافية وخالصة لله تعالى ، لا لأن يرى الآخرون أنك تصلي فيقومون بالتأشير عليك ويقولون هذا يصلي.

ولصلة الرحمن أنواع:

هناك من يصله فتره قصيره مقابل أنه يريد أن يحصل على شيء وإذا حصل عليه تركه وترك وصله،

وهناك من يصله ليراه الآخرون أنه يصلي فيحصل على المدح من قبل الاخرين،

وهناك من يصله بنية صافية وخالصه لوجهه سبحانه وتعالى،

فهذا النوع الاخير يحصل على كل مايريد ويتوفق في حياته وتنفتح أبواب الرزق في وجهه، أما الانواع الاخرى فلا تدوم وليس منها فائدة.
فعندما نصلي أو نفعل أي شيء نضع شيء واحد أمام أعيننا ويجب أن نعلم به طول الوقت وهو أن الله سميع بصير عليم مافي القلوب.

فعلينا أن نصل الرحمن سبحانه وتعالى بكل نية صافية وخالصة له ونعلم أنه سميع بصير وعليم لما في القلوب..

الله يهدينا ويهديكم ويثبتنا ويثبتكم على الايمان والاسلام جميعا..

عذاب الحب..

عـــذاب الـــحـــب يــنــهــيــنـــي..

وأنـــا مــالــي ســـواك انـســـان..

بــكــيـت ودمـــعــي بــعــيــنـــي..

منو الـمـخـطـي منو الـغــلـطــان..

يــمـــوت الـــحـــب بـــديـــنــــي..

مـثـل مـوت شـجــر عــطـشــان..

أبـــي مـــنـــك تـــواســـيـــنــــي..

حــيــاتــي لـــو دريــت أحـــزان..

حــــرام إنــــك تـــخـــلـــيـــنـــي..

مــثـــل قـــصــة بــلا عــنـــوان..

تهنئة ..

السلام عليكم

رجعت لكم من يديد..

منورين حبايب قلبي كلكم..

انشالله يارب تكونون استانستو بعطلة العيد وكل عام وانتو بألف خير ..

راح أبدي معاكم بطرح مواضيعي واحاسيسي ومشاعري واتمنى ان كل شي يعجبكم

واتقبل آرائكم بسعة صدر..

تقبلو خالص شكري وتحياتي لكم..

احبكم..

اختكم.. دلـــوو فـيـلـكـاويـة ووعـــه

لتكتسبي بشرة برونزية جميلة وصحية ودائمة..

.. "جهزي بشرتك لمقاومة أشعة الشمس"..

<< تقشير البشرة>>

للحصول على درجة لون بشرة متساوية:استخدمي مستحضر التقشير gentle exfoliating refiner على الوجه، ومستحضر smoothing body scrub for a new skin على الجسم وذلك لإزالة الخلايا الميتة وخشونة البشرة.

<<الترطيب، لدرجة برونزية متألقة>>

مع كل يوم استخدمي thirst quenching serum hydra-care أو moisture quenching hydra-care cream for face للوجه، أو moisture rich body lotion للجسم.

<<راقبي بشرتك لإضفاء عليها درجة لون برونزية بصورة آمنة>>

لابد أن تتابعي دائما عن قرب الشامات الموجودة لديك، فإذا تغير شكلها أو لونها أو حجمها أو ظهرت شامات جديدة فلابد أن يفحصها أخصائي الأمراض الجلدية.

<<عرضي بشرتك للشمس تدريجيا>>

إذا كنتي ترغبين ببشرة برونزية آمنة وجيدة فلابد أن تعرضي بشرتك للشمس تدريجيا لإضفاء ، عليها درجة لون برونزية آمنة، فلابد أن تعتاد بشرتك على أشعة الشمس تدريجيا، ما أن يتحسن الجو، كما أن ممارستك لأنشطة مثل العناية بحديقتك أو الجلوس في الهواء الطلق أو الذهاب لحمام السباحة لاكتساب درجة لون برونزية جيدة لكن لابد من أن تستخدمي مستحضرات الحماية من أشعة الشمس، حتى إذا لم تبدو أشعة الشمس ضارة لأنها بالفعل ضارة.